Нийслэл даяар тог, ус тасраад байна. Энэ талаар Эрчим хүчний яамнаас тодруулахад "Урьдчилсан байдлаар 203, 204 дүгээр Цахилгаан дамжуулах шугамд гэмтэл гарсан учир цахилгааны саатал үүсч Улаанбаатар хот болон зарим аймагт тог тасарсан. Гэмтлийг тодорхойлж, засаж янзлахаар шуурхай баг ажиллаж, хэрэглэгчиддээ шат дараатай цахилгаан дамжуулж эхэлсэн" гэсэн мэдээлэл өглөө. Харин Дулааны IV цахилгаан станцад осол, гэмтэл гараагүй байна.