Засгийн газрын ээлжит хуралдаан болж байна. Хуралдаанаар 35 гаруй асуудал хэлэлцэж байгаа бөгөөд гарсан шийдвэрийн талаар Засгийн газрын Хэвлэлийн төлөөлөгч Ч.Болортуяа мэдээлэл өгөв. Тэрбээр "Замын-Үүдэд авч хэрэгжүүлсэн арга хэмжээний талаар ХЗДХ-ийн сайд Х.Нямбаатар Засгийн газрын хуралдаанд танилцууллаа. Мөн Замын-Үүдийн чөлөөт бүс байгуулахтай холбоотой нэмэлт хөрөнгө гаргахаар шийдвэрлэсэн. Тус боомтын дулааны цахилгаан станцын нэмэлт санхүүжилтийг шийдвэрлэсэн. Түүнчлэн Чөлөөт бүсийн тухай хуульд нэмэлт өөрчлөлт оруулах тухай хуулийн төслийг УИХ-д өргөн мэдүүлэхээр тогтсон. Замын-Үүдийн Чөлөөт бүс энэ зундаа багтаж нээлтээ хийж, бүрэн бүтээн байгуулалт 2026 онд багтаж орно" гэлээ.