МҮОХ-ны гүйцэтгэх зөвлөл хуралдаж Н.Түвшинбаярыг түр түдгэлзүүлэх шийдвэрийг гаргажээ. Тодруулбал Ерөнхийлөгчийн үүрэг гүйцэтгэгч Ч.Наранбаатар:
"Монголын үндэсний олимпын хорооны ерөнхийлөгч Н.Түвшинбаяртай холбоотой асуудал дээр ёс зүйн хариуцлага тооцох талаар Олон улсын олимпын хорооноос манайд таван удаагийн бичиг ирсэн. Хэрвээ энэ асуудал дээр МҮОХ хариуцлага тооцохгүй бол ОУОХ ёс зүйн хороогоор оруулах, цаашлаад Монгол Улсын тамирчдыг олимпод цагаан тугтай, төрийн дуулалгүй оролцох байдалд орох болзошгүй болсон. Иймд өнөөдөр МҮОХ шуурхай хуралдаж Н.Түвшинбаярыг үүрэгт ажлаас нь түр түдгэлзүүлэх шийдвэр гаргалаа" гэжээ
