"Унаган хайр"-ын Б.Нармандах МУГЖ цолоор энгэрээ мялаалгалаа. Тэрбээр шагнал гардаж авсан халуун сэтгэгдлээсээ үзэгч түмэндээ хуваалцлаа. Б.Нармандах,

"Энэ билэгт сайхан өдөр төр засгаасаа ийм сайхан шагналыг хүртэж байгаадаа маш их баяртай байна. Мэдээж баярлаж байгаа маш олон хүмүүс байна. Хамгийн түрүүнд өсгөж төрүүлсэн эжий, аав сурган хүмүүжүүлсэн багш нартаа, хамт олондоо, хүлээсэн сэтгэлийн урмын үгээр тэтгэж байсан үзэгч түмэндээ маш их баярлалаа. Та бүхэнгүй бол уран бүтээлчид бид хэнсэн билээ. Уран бүтээлч хүн өөрийнхөө уран бүтээлд хоёргүй сэтгэлээр зүтгэхэд төр, засаг маань энэ сайхан хайр хишгээ хүртээдэг юм байна. Ард түмэндээ эрүүл энх, аз жаргал, хамгийн сайн сайхан бүхнийг хүсэн ерөөе.

"Унаган хайр" жүжгийн дууг 30 гаруй жилийн өмнө оюутан байхдаа дуулсан. Тэрнээс хойш маш олон жүжиг, киноны дуу ирсэн. 80-аад оны кино, жүжгийн нэлээд олон дуунуудыг дуулсан байдаг. Энэ бүхэн бол маш мундаг хөгжмийн зохиолчид, яруу найрагчдын надад итгэсэн итгэлээр бүтсэн сайхан бүтээлүүд байлаа" гэв.