Энэ сарын 22-ноос хөдөө орон нутаг, хот хооронд зорчих хөдөлгөөнийг нээх гэж байна. Үүнтэй холбогдуулж, УОК-ын даргын тушаалаар “Хот болон орон нутаг хооронд иргэдийн зорчих хөдөлгөөнийг зохицуулах түр журам”-ыг шинэчлэн баталсан талаар бид мэдээлсэн.
Хөдөлгөөн нээснээр 0-17 насны хүүхдээс коронавируст халдварын бх-ПГУ болон антигенд суурилсан түргэвчилсэн шинжилгээний сөрөг хариу шаардахгүй бөгөөд шалган нэвтрүүлэх хяналтын цэгүүдэд асуумж авч, биеийн халууныг үзэж, коронавируст халдварын эмнэлзүйн шинж тэмдэг илэрсэн тохиолдолд хүүхдээс заавал түргэвчилсэн шинжилгээ авч, холбогдох хариу арга хэмжээг тухайн орон нутгийн Онцгой комисс хариуцан зохион байгуулахаар болжээ. Илүү дэлгэрэнгүй мэдээллийг энд дарж үзнэ үү.
