Зам тээврийн ноцтой ослын улмаас бага насны хүүхэд амиа алдсан харамсалтай хэрэг гарчээ. Тодруулбал, Баянхонгор аймгийн Бөмбөгөр сумын дөрөвдүгээр багийн оршин суугч 47 настай эрэгтэй Б гэгч нь согтуурсан үедээ Honda stepwgnмаркийн автомашиныг жолоодон замын хажуу руу онхолдсон байна. Ослын улмаас эхнэр болох 46 настай эмэгтэй О гэмтэл авч, харин 1 настай ач охин Х нь харамсалтайгаар амиа алдсан байна. 

Иргэн Б нь 1.67 хувийн согтолттой жолоо барьж байжээ. Хэргийг тус аймгийн цагдаагийн хэлтэст шалгаж байна.