Ерөнхий сайд асан, УИХ-ын гишүүн Ж.Эрдэнэбат нарын 5 хүнд холбогдох хэргийг Улсын дээд шүүхээс нэмэлт мөрдөн байцаалтад буцаасан. Ингэснээр тэдэнд холбогдох хэрэгт дахин шалгалт явуулж байгаа юм.

Тэгвэл Нийслэлийн Прокурорын газраас 2021 оны 05 дугаар сарын 11-ний өдөр яллагдагч Ж.Эрдэнэбат, Б.Отгонбаатар, Д.Ганбат, М.Мандахбаяр, Д.Түвшинжаргал нарт “Хязгаарлалт тогтоолгох тухай” саналыг Сүхбаатар дүүргийн Эрүүгийн хэргийн анхан шатны шүүхэд гаргажээ. Гэвч Прокурорын газраас 2021 оны 05 дугаар сарын 12-ны өдрийн 1/3047 дугаартай албан тоотоор яллагдагч Ж.Эрдэнэбатад Хязгаарлалт тогтоолгох таслан сэргийлэх арга хэмжээ авхуулах тухай саналаасаа татгалзсан байна.

Ингэснээр шүүх прокурорын саналыг хүлээн авч яллагдагч Б.Отгонбаатар, Д.Ганбат, М.Мандахбаяр, Д.Түвшинжаргал нарт “Хязгаарлалт тогтоох” таслан сэргийлэх арга хэмжээ авч шийдвэрлэжээ.