Голдэн Стэйт Уорриорс багийн холбон тоглогч Стефэн Көрри өнгөрсөн гуравдугаар сарын 17-нд Хьюстэн Рокетс багийн эсрэг тоглолт дээр суудлын ясны хэсгээ гэмтээж тоглолтыг чөлөөлсөн. Ингэснээр багийнхаа таван тоглолтыг өнжиж гуравдугаар сарын 29-нд бэртлээсээ эргэн ирсэн. Түүнээс хойш багтайгаа өнөөдрийг хүртэл есөн тоглолтод оролцсон ба энэ хугацаанд 38.2 оноо 5.1 холын зайн шидэлт дунджилсан байна. Дээрх есөн тоглолтод Уорриорс баг 6:3 амжилттай тоглосон ба энэ хугацаанд тэрбээр Голдэн Стэйт Уорриорс багийнхаа түүхэнд хамгийн олон оноо авсан тоглогчоор алдарт Вилт Чамберлиний рекордыг эвдсэн юм.