БНХАУ-ын Зах зээлийн хяналт, зохицуулалтын ерөнхий газар цахим худалдааны салбарт тэргүүлэгч “Alibaba” компанийг монополийн эсрэг хуулийг зөрчсөн хэмээн үзэж, 18.2 тэрбум юань буюу 2.8 тэрбум орчим ам.долларын торгууль ногдуулжээ.

     Зах зээлийн хяналт, зохицуулалтын ерөнхий газрын мэдээлснээр, өнгөрсөн 12 дугаар сард эхлүүлсэн мөрдөн шалгах ажиллагаагаар “Alibaba” зах зээлд давамгайлсан байр сууриа ашиглан жижиглэн худалдаачдыг бараа бүтээгдэхүүнээ бусад цахим хуудсаар худалдаалахад саад учруулж буйг тогтоожээ.