Төрийн ордонд яг одоо вакцинжуулалт хойшилж буйтай холбоотойгоор Эрүүл мэндийн сайд С.Энхболд мэдээлэл хийж байна.

Тэрбээр, "Дөрөвдүгээр сарын 26-аас вакцинжуулалтыг идэвхжүүлнэ. Тавдугаар сарын 31-н гэхэд нийслэлийн иргэдийг бүгдийг вакцинжуулалтад хамруулах төлөвлөгөөтэй ажиллаж байна. Хөл хорионы хугацаанд вакцинжуулалтын 120-160 цэгийг нэмэлтээр хийнэ. Бид Хятадад суугаа элчин сайдын яамаар дамжуулан албан ёсны зөвлөмж авахад Синофарм вакцины давтан тунг 26-58 хоногт хийхэд ямар нэг дархлалын тогтоц дээр өөрчлөлт гарахгүй гэсэн. Энэ бол эх сурвалжтай мэдээлэл. Хатуу хөл хорио тавигдангуут ахмадууддаа гэрээр нь дархлаажуулалт хийхээр төлөвлөж байна. Улаанбаатар хотод 260 мянган ахмад бий, одоогоор тэдний 50 хувийг вакцинжуулалтад хамруулсан" гэлээ.