Энэ мэдээ хуучирсан буюу 2021/04/04-нд нийтлэгдсэн мэдээ болно.

Суэцийн сувагт үүссэн түгжрэл арилжээ

Ангилал
Дэлхий дахинд
Огноо
Унших
1 минут 33 секунд

“Ever Given” чингэлэг тээвэрлэгч хөлөг онгоц Суэцийн сувагт хайргадан гацаж, хөлөг онгоцуудын хөдөлгөөнийг хаасны улмаас үүссэн түгжрэл арилжээ. Усан замын хөдөлгөөн сэргэснээс хойших тав дахь өдөртөө буюу бямба гарагт хамгийн сүүлийн хөлөг онгоцууд Суэцийн сувгаар дайран өнгөрсөн байна.

Чингэлэг тээвэрлэгч 400 метрийн урттай “Ever Given” хөлөг онгоц гуравдугаар сарын 23-нд Суэцийн сувагт гацаж, 6 өдөр сувгийг хаажээ. Гуравдугаар сарын 29-нд хөлөг онгоцыг байрнаас нь хөдөлгөж чадсан хэдий ч сувгийн хоёр талд 422 хөлөг онгоц бөөгнөрөн зогсож, түгжирсэн байжээ.

Бямба гарагт нийт 4 сая тонн ачаа тээвэрлэсэн 85 хөлөг онгоц Суэцийн сувгаар дамжин өнгөрсөн байна. Үүнээс 61 нь “Ever Given”  хөлөг онгоцтой холбоотой ослын улмаас нэвтрэх хэсэгт бөөгнөрсөн хөлөг онгоцууд байв.

Дэвсгэр мэдээлэл: Суэцийн сувгаар дэлхийн нийт ачаа тээвэрлэлтийн 12 хувь нь дамжин өнгөрдөг бөгөөд нефть тээвэрлэх усан замын хамгийн ачаалалтай хэсгийн нэгд тооцогддог. Энэ сувгаар шингэрүүлсэн хий тээвэрлэдэг нийт хөлөг онгоцны 8 хувь нь дамжин өнгөрдөг бол жилд 19 мянга, хоногт 50 гаруй хөлөг онгоц дамжин өнгөрдөг байна.

Геологич эрийг
Геологич эрийг "ууртай наймаалж" ташуурдан гэмтээжээ
 
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Л.Оюун-Эрдэнэ: Э.Бат-Үүл бол ардчилсан хувьсгалын үзэл санаандаа үнэнч үлдсэн цөөхөн хүмүүсийн нэг
Энэ мэдээ хуучирсан буюу 2021/04/04-нд нийтлэгдсэн мэдээ болно.