ХӨСҮТ-ийн Тандалт судалгааны албаны дарга А.Амбасэлмаа коронавирусний халдварын нөхцөл байдлын талаар ээлжит мэдээлэл хийлээ. Мэдээллийн үеэр нийслэлд 13 том голомтоос халдвар илэрсээр байгааг дурдлаа. Тухайлбал ТҮК-тэй холбоотой голомт идэвхтэй үргэлжилж байна. Нийт 20 хүн өвдсөн байна. X Apartment-ийн голомт идэвхтэй үргэлжилж 11 хүн өвчилсөн байна. GB Tower-т байрладаг Банк бус санхүүгийн байгууллагын голомт маш идэвхтэй үргэлжилж байна. Энэ голомтоос сүүлийн хоёр хоногт 24 тохиолдол бүртгэгсэн байна. Мөн гутлын цехтэй холбоотой 10 тохиолдол зэрэг нийслэлийн голомтууд идэвхтэй хэвээр байгааг анхаарууллаа.