ХӨСҮТ-ийн Тандалт судалгааны албаны дарга А.Амбасэлмаа коронавирусний халдварын нөхцөл байдлын талаар ээлжит мэдээлэл хийж байна. Тэрбээр:

"24 цагийн хугацаанд нийт 11202 хүнд PCR шинжилгээ хийхэд 37 хүнээс коронавирус илэрлээ. Илэрсэн тохиолдлууд нийслэл Улаанбаатар хотоос бүртгэгдсэн өмнөх тохиолдлуудын хавьтлын шинжилгээнээс илэрлээ. Улаанбаатар хотод нийт 945 тохиолдол болсон байна. Улсын хэмжээнд 1271 кластар өвчлөлийн тохиолдол болжээ. ХӨСҮТ-өөс 22 хүн эдгэрч Хан-Уул дүүргийн 300 ортой эмнэлэг рүү шилжсэн байна. Мөн Хан-Уул дүүргийн 300 ортой эмнэлгээс 12 хүн эмчлэгдэн эдгэрч гэртээ харьсан байна."