Японд хэвлэгдсэн ном, сэтгүүлийн борлуулалт "Чөтгөр ангууч" манга цувралын ачаар 2006 оноос хойших хамгийн бага алдагдалтай жил болж өнгөрсөн тухай хэвлэлийн судалгааны байгууллага мэдээлжээ.

Өнгөрсөн онд хэвлэгдсэн хэвлэлийн борлуулалт ойролцоогоор 1.22 их наяд иен (11.76 тэрбум доллар) -тай тэнцсэн тухай Токио дахь Нийтлэлийн судалгааны хүрээлэнгээс мэдээлэв. Харин 2019 онд хэвлэмэл хэвлэлийн борлуулалт өмнөх жилийнхээс 4.3 хувиар буурчээ.

Хэвлэлийн байгууллага болох “Shueisha Inc”-ийн мэдээлснээр “Чөтгөр ангууч” цувралын 23-р ботийг 3,95 сая хувь хэвлүүлсэн бөгөөд дижитал борлуулалтыг багтаасан бүх боть нь өнгөрсөн арванхоёрдугаар сарын байдлаар 120 сая хувь давжээ.

Цахим ном, хэвлэмэл ном, сэтгүүлийн борлуулалт өнгөрсөн онд 1.62 их наяд иен болж, өмнөх оноос 4.8 хувиар өссөн байна. Коронавирусын цар тахлын дунд хүмүүс гэртээ илүү их цаг зарцуулдаг байсан тул өнгөрсөн жил унших материалын эрэлт нэмэгдсэн гэж тус хүрээлэнгээс мэдээлсэн байна.

Эх сурвалж: BBC