Голден Стэйт Уорриорс баг сүүлийн найман тоглолтын зургаад хожоод байна. Тус тоглолтуудад багийн довтлогч Андрью Уиггинс 19.7 оноо, 48 хувийн довтолгоо, 41 хувийн холын зайн шидэлт дунджилж байгаа аж. Багийн холбон тоглогч Стефэн Көрригийн сайн тоглолтууд, Дрэймонд Грийний эргэн ирэлт болон Уиггинсын дээрх үзүүлэлт нь Уорриорсын амжилттай холбоотой хэмээн багийн хөгжөөн дэмжигчид үзэж байна. 

Уорриорсын дараагийн учраа Индиана Пэйсэрс баг байх ба хоёр баг хоёул хожил, хожигдлын тоогоор адил 6:4 байгаа юм.