Мягмар гарагт Улаанбаатарын цагаар 05:32:59 цагт Орос, Монголын хил 6.5 магнитудын хүчтэй газар хөдлөлт болсныг газар хөдлөл судлаачид бүртгэжээ.

Энэ тухай Европ-Газрын дундад тэнгисийн газар хөдлөлт судалгааны төв мэдээлсэн байна.

Газар хөдлөлтийн голомт Эрхүү мужийн Ангар хотоос 277 км зайд Хөвсгөл нуур орчимд 10 км-ын гүнд байжээ.

ОХУ-ын Онцгой байдлын яамны Эрхүү мужийн Ерөнхий газрын хэвлэлийн алба мэдээлэхдээ, Монгол Улсад газар хөдлөлтийн голомт байсан бөгөөд Эрхүүд 4-5 баллын хүчтэй чичирхийлэл мэдрэгдсэн гэжээ. Түүнчлэн газар хөдлөлтийн улмаас хүн бэртэж гэмтээгүй тухай мэдээлсэн байна. Судлаачдын мэдэгдсэнээр, Хөвсгөл аймгийн Ханх сумаас 34 км-ын зайд байсан голомтын чичирхийллийн хүч 8.7 балл байжээ.