Монгол Улсын Ерөнхий сайд Н.Учрал, Засгийн газрын гишүүдийн хамт хувийн хэвшил, хөрөнгө оруулагчидтай уулзсан билээ. Энэ үеэр Шадар сайд Т.Доржханд "Эрчим хүчний салбарт дуудлага худалдааг бий болгоно. Төр цахилгаан станц барихгүй. Хувийн хэвшилд боломжийг нээнэ. Төр олон улсын байгууллагаас мөнгийг нь босгож өгнө. Тэгэхээр дотоодын компаниуд маань бизнесээ хийж эхэлье. Монгол Улсад 2 ГВт-ын эрчим хүчний хэрэгцээ байна. Зүүн Өмнөд Ази руу зах зээл тэлснээр хамгийн багадаа 2 тэрбум ам.долларын хөрөнгө оруулалт хийх боломж байна. 35 жилийн дараа хувийн секторт эрчим хүчний салбарын үүдийг нээлээ" гэв.