16 настай охин болон 32 настай эмэгтэйн амь насыг онц ноцтойгоор хохироосон гэмт хэргийн шүүх хурал хоёр өдөр үргэлжилж, шүүгчид дөнгөж сая ялын тогтоолоо уншсан. Ингэхдээ хэрэгт шүүгдэгч, хохирогч статустайгаар оролцсон Э.Номин-эрдэнэ, Э.Ган-эрдэнэ нарыг цагаатгасан явдалд олон нийт шүүмжлэлтэй байр суурийг илэрхийлж буй.

Тэгвэл эл үйл явцтай холбогдуулан хуульч Б.Баяраа "Нэгдүгээрт хуульч биш, хоёрдугаарт хэргийн материал уншаагүй бол битгий сургаар бусдын амьдрал, хувь заяаг шүүгээд бай та нар. Сураад ажиллаад шалгалтыг нь өгөөд босгыг нь давчихсан мэргэжлийн хуульч нар яллах, өмгөөлөх, шүүх чиг үүргээ хараат бусаар бие даан мэргэжлийн түвшинд та нараар заалгахгүй хэрэгжүүлээд явчих учраас санаа зоволтгүй. Шүүх чинь алдаа гаргавал дотроо бас 3 давхар шүүлтүүртэй гэж байгаа. Энэ маягаараа удахгүй цагаан халаад өмсөөд мэс заслын тасагт хагалгаа хийнэ гээд явж байж мэдэхээр байна шүү, та нөхөд минь" гэжээ.