УИХ-ын чуулганы өчигдрийн хуралдаанаар Монгол Улсын 2024 оны нэгдсэн төсвийн гүйцэтгэл, Засгийн газрын 2024 оны санхүүгийн нэгтгэсэн тайлан болон "Монгол Улсын 2024 оны төсвийн гүйцэтгэл батлах тухай” УИХ-ын тогтоолын төслийн нэг дэх хэлэлцүүлгийг хийсэн билээ. Энэ үеэр УИХ-ын гишүүд НДС-гийн алдагдал, авлагын талаар НДЕГ-ын дарга Б.Батжаргалаас асууж хариулт авав.
НДЕГ-ын дарга Б.Батжаргал: НДС-ын авлага Капитал банканд 104.2 тэрбум төгрөг 2016 он хүртэлх хугацаанд нийт 16 удаагийн гэрээгээр байршсан байдаг. Үүнээс 38.8 тэрбум төгрөг төлүүлж, өнөөдөр 65.4 тэрбум төгрөгийн үлдэгдэлтэй байна.
Чингис хаан банкнаас 13.3 тэрбум төгрөгийн авлагатай байснаас 14.2 тэрбум төгрөгийг төлүүлж, 89.4 тэрбум төгрөгийн үлдэгдэлтэй байна. Хоёр банкнаас авах нийт авлагын дүн 154.8 тэрбум төгрөг байгаа.Үүнээс гадна нуугдмал хөрөнгийг илрүүлэх ажил прокурор, АТГ, ШШГЕГ-тай хамтарч ажиллаж байна. Одоогийн байдлаар удаашралтай явж байгаа нь үнэн.
