Өнгөрсөн хугацаанд "Food festival", "Улаанбаатар хот - 2040" болон Унгар Улсад "Улаанбаатар хотын соёлын өдрүүд" зэрэг томоохон өдөрлөгүүдийг зохион байгуулсан.

Эдгээрээс "Food festival" болон хотын дарга Х.Нямбаатар Унгарт ажиллах үеэрээ зохион байгуулсан "Улаанбаатар хотын соёлын өдрүүд" үйл ажиллагаа нь багагүй шүүмжлэл дагуулсан билээ.

Тэгвэл "ШИЛЭН ДАНС"-ны мэдээллээс харахад, Нийслэлийн Засаг даргын Тамгын газраас үйл ажиллагаа, өдөрлөгүүдийн зардал болгож 1 тэрбум 37 сая 473 мянга 920 төгрөгийг дөрөв, тавдугаар сард нийслэлийн Аялал жуулчлалын газарт шилжүүлсэн байна. Тодруулбал,

-"УБ фүүд фестиваль" ОУ-ын хоолны өдөрлөгийн санхүүжилт - 418.4 сая төгрөг

-"Франц хотхон" арга хэмжээний зардал - 66.5 сая төгрөг

-А/53 захирамжийн санхүүжилт - 57.7 сая төгрөг

-БНХАУ, Солонгос Улсад үзэсгэлэнд оролцох зардал - 113.4 сая төгрөг

-УБ хотын аялал жуулчлалыг сурталчлан таниулах зардал - 157 сая төгрөг

-"Улаанбаатар хот - 2040" арга хэмжээний зардал - 28.8 сая төгрөг

-Унгар Улсад "УБ хотын соёлын өдрүүд" арга хэмжээ - 125.6 сая төгрөг

-УБ хотын аялал жуулчлалыг сурталчлан таниулах зардал - 69.7 сая төгрөгийн санхүүжилтийг тус тус шилжүүлсэн байна.