Он гарснаас хойш 164 хүүхэд зам тээврийн осолд өртжээ. Дээрх 164 хүүхдийн 131 нь явганаар, 17 нь тээврийн хэрэгслээр зорчиж байх үедээ, 1 нь чаргаар гулгаж байхдаа, 15 нь унадаг дугуй болон цахилгаан дугуйгаар замын хөдөлгөөнд оролцож явах үедээ зам тээврийн осолд өртсөн байна.

Урин дулаан цаг ирсэнтэй холбоотойгоор түрээсийн унадаг дугуй, скүүтер, сурроны хэрэглээ нэмэгдсэн. Эрэлтийг дагаад нийлүүлэгчид ч бүтээгдэхүүнээ нийтийн зам, талбайд олноор байршуулах болсон. Түгжрэлтэй нийслэлд тус үйлчилгээ зайлшгүй байх нь зүйтэй ч зориулалтын зорчих зам, зогсоол байхгүйгээс хүүхдүүд зам тээврийн осолд өртөх эрсдэл өндөр байгаа юм.