УИХ-ын гишүүн Б.Энхбаяр "Улаанбаатар төмөр зам"-ын Тээвэр зохион байгуулалтын албаны орлогч дарга асан С.Батдөлтэй холбогдуулан "7.5 тэрбум төгрөгийн авлигын мөнгө сейфэндээ хадгалж байгаад баригдсан С.Батдөл ШШГЕГ-ын Богд Уулын амралтын газар ялаа эдэлж байна. Засгийн газар яагаад байгаа юм. Энийг амралтын газар амрааж байгаа мөнгө мэддэг сайд байна гэсэн үг. Амрааж байгаа хүнээ олж шийтгээрэй" гэж хэлсэн. Ингэхдээ эл үйл явцыг Сангийн сайд Б.Жавхлантай холбоотой талаар хэвлэлд онцолсон байдаг.

Тэгвэл тэрбээр өнөөдөр Сангийн сайд Б.Жавхлантай холбоотой өөр нэгэн мэдээллийг хэллээ. Тэрбээр "Бортээг ордын нүүрс худалдан авах монопол гэрээний 10 хувийг Б.Жавхлангийн хамаарал бүхий компани авсан. Б.Жавхланг энэ асуудлаар нь сонсголд гэрчээр дуудахад өөртэй нь холбоотой хэсгийг сонсчхоод гараад явчихсан. Нэр цэвэр байсан юм бол тэр үед асуултад хариулахгүй яасан юм" гэх мэдээллийг өгөв.