Урин дулааны цаг ирж цахилгаан дугуй, суррон, скүүтер хэрэглээнд гарч эхлэв. Гэвч энэ төрлийн цахилгаан хэрэгслийн түрээсийн үйлчилгээ үзүүлдэг компаниуд автобусны буудал голлуулж байршуулдаг нь ачаалалтай автобусны буудлуудад саад болж байгааг Нийтийн тээврийн бодлогын газраас мэдээлж, саад болохгүй байхыг анхааруулав.

Энэ талаар тус газраас "Түрээсийн үйлчилгээ үзүүлдэг компаниуд автобусны буудал голлуулж цахилгаан скүүтер байршуулсан нь ачаалал ихтэй энэ цаг үед зорчигч, жолооч нарт саад болж байгааг анхаарна уу. Нийтийн тээврийн автобусаар үйлчлүүлж буй зорчигч, иргэдэд саад болохгүй газар байршуулахыг хүсье " гэжээ.