2024 онд нийтийн тээврийн салбарын цогц шинэчлэлийг хийж, жолооч нарын цалинг 1000 ам.долларт хүргэж, 15 жилийн дараа 600 автобусаар парк шинэчлэлт хийсэн. Энэ хүрээнд 750 автобусанд транзит тв дэлгэц суурилуулж, зорчигчдод цаг үеийн мэдээ мэдээллийг шуурхай хүргэж байна.

Тэгвэл өнөөдөр 13:00 цагаас эхлэх XVII жарны "Элдэв эрдэнэт" хэмээх модон могой жилийн сар шинийн баярт зориулсан улс, аймаг, цэрэг, сумын алдар цолтой хүчит 256 бөхийн барилдааны 3-8-ын давааг шууд дамжуулан хүргэхээр болжээ.