Засгийн газрын өнөөдрийн хуралдаанаас гаргасан шийдвэртэй холбогдуулан Аж үйлдвэр эрдэс баялгийн сайд Ц.Туваан мэдээлэл өглөө.

---------------------------

Тэрбээр "Өнөөдрийн Засгийн газрын хуралдаанаар Зам тээврийн сайд Б.Дэлгэрсайхан болон Аж үйлдвэр, эрдэс баялгийн сайд миний бие БНХАУ-тай хийж буй Засгийн газар хоорондын хэлэлцээр буюу Гашуунсухайт-Ганцмод боомтын хил холболтын төмөр замын замын асуудлыг Засгийн газрын хэлэлцээрээр зурах, эрхийг олгох шийдвэр гарсан. 2025 оны хоёрдугаар сарын 13-15-ны хооронд Ерөнхий сайдын айлчлалын үеэр энэ бичиг баримт эцэслэгдэн зурагдана гэдгийг та бүхэнд хэлье. Хятадын талаас Хөгжил шинэтгэлийн хорооны дарга нь энэ хэлэлцээр дээр зурна.