Хөгжлийн банкны гэх тодотголтой хэргийн шүүгдэгчид болон тэдгээрийн өмгөөлөгчдийн гаргасан гомдлыг хэлэлцэх хуралдаан завсарлалаа.
Өнөөдөр буюу 2024.12.02-ны өдөр Монгол Улсын дээд шүүхийн хяналтын шатны эрүүгийн хэргийн шүүх хуралдаанаар 540 хавтаст хэрэг бүхий Хөгжлийн банкны гэх тодотголтой 80 хүн 4 хуулийн этгээдэд холбогдох хэргийг прокурорын эсэргүүцэл, шүүгдэгчид болон тэдний өмгөөлөгчдийн гаргасан 41 гомдлын хүрээнд хэлэлцэж, шүүх хуралдаан 20 цаг 00 минутад завсарлалаа.
Шүүх хуралдааны эхний өдөр биечлэн 23, цахимаар 2 өмгөөлөгч санал, тайлбараа хэлсэн юм. Шүүх хуралдаанд оролцогчдын бүртгэлийг 2024 оны 12 дугаар сарын 03-ны өдөр 08 цаг 20 минутаас 08 цаг 50 минутын хооронд Улсын дээд шүүх болон Захиргааны хэргийн давж заалдах шатны шүүхийн байранд бүртгэнэ.
