Үндэсний статистикийн хороо "Цаг ашиглалтын судалгаа-2023” судалгааны үр дүнг танилцуулсан. Энэ судалгаанаас дурдвал, Монгол хүн өдрийн 24 цагийн 51 хувийг зайлшгүй хувийн хэрэгцээндээ, 33.8 хувийг хөдөлмөр эрхлэхэд, 15.1 хувийг боловсрол болон чөлөөт цагтаа зарцуулж байна.
Монголчууд чөлөөт цагаа олон нийтийн мэдээллийн хэрэгсэл ашиглахад ихэвчлэн хуваарилдаг. Өдөрт дунджаар 1 цаг 58 минутыг олон нийтийн мэдээллийн хэрэгсэл ашиглахад зарцуулдаг ба энэ нь хобби, спорт, соёлын үйл ажиллагаанд зарцуулсан цагаас 4.9 дахин их юм.
Энэхүү судалгааг түүвэрт сонгогдсон 23394 өрхөөс судалгаанд 15076 өрх хамрагдаж, хамралтын хувь 64.4 хувь байжээ.
