Сонгинохайрхан дүүргийн 34 дүгээр хорооны "Б..." гэх цэцэрлэгт нэг нас 2 сартай хүүхэд нас барсан харамсалтай хэрэг гарсан. Яг одоо цагдаагийн байгууллага ажиллаж, хэргийн газрын үзлэг хийж байна. Тухайн цэцэрлэгийн эрхлэгч Neguun.mn сайтад өгсөн ярилцлагадаа, "Хүүхдүүдээ унтуулчихаад сургуульд хүүхэд хүргэж өгчхөөд ирэх хооронд ийм харамсалтай хэрэг гарчихлаа. Манай туслах багш хүүхдүүдийг хараад үлдсэн. Манайх энэ чиглэлээр 4 жил үйл ажиллагаа явуулж байна. Нийт 12 хүүхэдтэй. Өнөөдөр 11 хүүхэд ирсэн" гэжээ.
