Сэтгүүлч Э.Ганхуягийг мөргөж, амь насыг нь хохироосон гэх Д.И-д холбогдох хэргийн шүүх хурал өнөөдөр (2024.10.24) Сонгинохайрхан дүүргийн эрүүгийн хэргийн анхан шатны шүүхэд 11.00 цагт болно.

Хэргийг сануулбал, өнгөрсөн долоодугаар сарын 9-ний өдөр Сонгинохайрхан дүүргийн нутаг дэвсгэрт зам тээврийн ноцтой осол гарч, "Монголын радио"-ийн сэтгүүлч Э.Ганхуяг харамсалтайгаар амиа алдсан байдаг. Осол гаргасан жолооч нь согтолтын түвшин өндөр байсан гэх бөгөөд хууль хяналтын байгууллагаас шалгаж эхэлсэн билээ.

Хэрэв тухайн жолооч гэм буруутай нь тогтоогдвол "Тээврийн хэрэгсэл жолоодох эрхийг найман жилээс дээш арван хоёр жил хүртэл хугацаагаар хасаж, хоёр жилээс найман жил хүртэл хугацаагаар хорих ял шийтгэнэ" гэж заасан байна.