Монголын Уран зургийн галлерейд “Оны шилдэг бүтээл 2024” үзэсгэлэнг дэлгэжээ. Уламжлал болгон зохион байгуулсаар ирсэн энэхүү үзэсгэлэнд уран зураг, монгол зураг, график, уран баримал, сийлбэр, инстоляци, холимог техникийн нийт 50 гаруй бүтээлийг үзэгчдэд толилуулж байгаа юм. Энэ сарын 21-нд нээлтээ хийсэн тус үзэсгэлэн ирэх сарын 4 хүртэл үргэлжилнэ.

Монгол Улсын Засгийн Газрын “Журам батлах тухай” 2023 оны 391 дугаар тогтоолын хоёрдугаар хавсралтаар баталсан “Дүрслэх урлагийн шилдэг бүтээл шалгаруулах, улсын санд худалдан авах, хадгалах, ашиглах журам”-ын дагуу шилдэг бүтээлийг шалгаруулж, улсын санд худалдан авах, уран бүтээлчдийг сурталчлах дүрслэх урлагийн "оны шилдэг бүтээл"-ийг жил бүр танилцуулдаг билээ.