ХЭҮК-ын Гомдол, хяналт шалгалтын хэлтсийн дарга Г.Ууганбаатар:

-Жил бүрийн арваннэгдүгээр сарын 1-ээс тавдугаар сарын 1-нд хурдан морины уралдаан, үсэргээ, сунгаа зохион байгуулахыг Засгийн газрын тогтоолоор хориглосон байдаг. Гэвч 2024 он гарсаар хориглосон хугацаанд буюу тавдугаар сарын 1-ийг хүртэлх хугацаанд Ховд аймгийн Эрдэнэбүрэн сум, Төв аймгийн Сэргэлэн, Баян сум, Сүхбааатар аймгийн Онгон сум, Дорноговь аймгийн Хатанбулаг, Дорнод аймгийн Баянтүмэн суманд хурдан морины уралдаан зохион байгуулагдсан. Хэдийгээр эдгээр уралдаанд хүүхдийн амь нас эрсдээгүй ч гэсэн хориглосон хугацааг зөрчсөн учраас ХЭҮК-ын шаардлагыг дээрх аймгуудын Засаг дарга нарт хүргүүлсэн. Засаг дарга нар уг шаардлагыг хэрэгжилтийг хангуулж ажиллах ёстой.

Төв аймаг, Сүхбаатар, Дорноговь аймгийн Засаг дарга нар комиссын шаардлагын дагуу тухайн нутаг дэвсгэр дээр нь хурдан морины уралдаан зохион байгуулсан сумдын Засаг дарга нарт хариуцлага тооцсон. Харин Ховд, Дорнод аймгийн Засаг дарга нар ямар ч арга хэмжээ аваагүй.

Тиймээс комиссын шаардлагыг биелүүлээгүй албан тушаалтнууудад дараагийн арга хэмжээг авна.