Реппер Desant-ын задгай талбайн анхны бие даасан "BIG FISH" тоглолт энэ сарын 8-нд Төв цэнгэлдэх хүрээлэнд болно. Тоглолт 15.00 цагаас нээж, 00.00 цаг хүртэл 6 цаг үргэлжилж, 39 артист оролцоно. Нийт 6 хэсгээс бүрдэх тус тоглолтын бэлтгэл ажил 70 хувьтай явж байгаа бол тасалбар борлуулалт 90 хувьд хүрсэн байна. Тоглолтын үеэр Desant өөрөө 34 дуу дуулна.

Тоглолтын ерөнхий продюсерээр Triple X, Зуны зугаагийн автор Халзаа буюу н.Даваасүрэн, найруулагчаар наадмын найруулагчаар ажиллаж байсан Б.Анар ажиллаж байна.

Тоглолтын тайз 30 метр өндөр, өмнө нь засагдаж байгаагүй том тайз гэдгээрээ онцлогтой бөгөөд хөгжим, гэрэлтүүлэг нь улсдаа хамгийн шилдгүүдийг цуглуулсан гэдгийг зохион байгуулагчид онцолж байна.

80, 90-ээд оны залуучуудын дунд хит болсон алдарт HOOD дууг TG, Big Gee, Vanquish нартай хамтран анх удаа бүрэн бүрэлдэхүүнээрээ тайзан дээр дуулна гэдгээ ч албан ёсоор мэдэгдээд буй юм.