Чингис хаан Үндэсний музей нь 2024 оны тавдугаар сарын 15-наас есдүгээр сарын 14 хүртэл зуны цагийн хуваарийн дагуу ажиллахаар болжээ. Ингэснээр мягмар гарагт амардаг байсан бол ажилладаг болж байгаа аж. Тодруулбал, даваагаас ням гараг хүртэл өдөр бүр 09.00-20.00 цаг хүртэл ажиллана. Касс нь харин 19.00 цагт хаах аж.
Сануулахад, Чингис хаан Үндэсний музей Итали улсаас Монгол Улсад суугаа Онц бөгөөд Бүрэн Эрх Элчин сайдын яамтай хамтарч найруулагч Мишэль Пласидогийн “Караважжогийн сүүдэр” (түүхэн драм) киног 2024 оны 05 сарын 22-ны17:00 цагт олон нийтэд зориулан ганцхан удаа үнэ төлбөргүй үзүүлэх гэж байна.
