Сонгинохайрхан дүүргийн ...-р хорооны Зээлийн 3 дугаар гудамжинд гэр шатаж, нэг иргэн амь насаа алдсан байна.

Тодруулбал, Энэ тухай дуудлага мэдээлэл гуравдугаар сарын 25-ны өдрийн 06:59 цагт ОБГ-т ирсэн бөгөөд тус дүүргийн Онцгой байдлын хэлтсийн Гал түймэр унтраах, аврах 29 дүгээр ангийн алба хаагчид 6 км замыг туулан 07:11 цагт очиход 5 ханатай гэр бүрэн шатаж нурсан байсныг 20 минут ажиллаж унтраасан байна. Мөн уг гал түймэрт иргэн С/27 настай, эмэгтэй/ өртөж нас баржээ.