Шадар сайд С.Амарсайхан цаг үеийн зарим асуудлаар мэдээлэл хийж, сэтгүүлчдийн асуултад хариулсан юм. Тэрбээр, "БЗД-ийн 26-р хороонд гарсан дэлбэрэлтийн улмаас үүссэн асуудлуудыг шалгахаар ажлын хэсгүүд ажиллаж буй. Өнөөдрийн байдлаар хууль хяналтын байгууллага хэргийн газрын үзлэгээ эрчимжүүлж, дуусах шатандаа орсон. Харин одоо хөндлөнгийн шинжээчдийн дүгнэлтийг хүлээж байна. Тухайлбал,

Газ тээвэрлэж явсан автомашин нь зориулалтын бөгөөд шаардлага хангасан эсэх, тухайн орчинд техникийн болон бусад ямар стандарт зөрчигдсөн гэдгийг мэргэжлийн шинжээчид хөндлөнгөөс дүгнэж байгаа учраас энэ дүгнэлт удахгүй гарч бэлэн болно" гэлээ.