Булган аймгийн цагдаагийн алба хаагч О.Цэлмэг өөрийн цахим хуудсаараа дамжуулан Булган аймгийн Цагдаагийн газрын дарга нар цалингийн тодорхой хувийг хасдаг, түүнийхээ дараа мэдэгддэг болон бусад асуудлуудыг дэлгэсэн байдаг. Улмаар ЦЕГ-аас Булган аймгийн цагдаагийн дарга Л.Ганбаатарыг үүрэгт ажлаас нь чөлөөлж, дэд даргыг нь тушаал бууруулсан талаар мэдээлсэн юм.

Мөн ХЗДХ-ийн сайд Х.Нямбаатараас уг асуудлыг тодруулахад "ЦЕГ-аас ажлын хэсэг томилогдон Булган аймагт ажиллаж байгаа" хэмээсэн байдаг.

Тэгвэл ажлын хэсэг Булган аймагт очсон бөгөөд албан хаагч О.Цэлмэг өмгөөлөгчийн хамтаар мэдүүлэг өгсөн тухайгаа цахим хуудаснаа мэдээлсэн байна.

Албан хаагч О.Цэлмэгийн дэлгэсэн мэдээллийг энд дарж уншина уу.