БЗС-гийн хулгайн баримтуудын талаар МАН-ын Ерөнхий нарийн бичгийн дарга О.Батнайрамдал өнөөдөр мэдээлэл хийлээ. Тэрбээр "БЗС-ийн зээлүүд үе үеийн БШУ-ны сайд нарын тушаалаар чөлөөлөлт хийгдсэн байдаг юм байна. Хамгийн их зээл чөлөөлөлт нь Боловсролын сайдаар Л.Гантөмөр ажиллаж байх үед хийгдсэн байна. 10 гаруй тушаалаар 435 зээлдэгчийн 40.6 тэрбум төгрөгийн зээлийг тэглэсэн. Тэглэх эрх нь УИХ-ын журмаар гарах ёстой гэж өнөөдөр хүчин төгөлдөх байгаа хуульд бий. Би ч үүнийг маш их гайхаж байна. Хэн нь зээл авдаг юм бэ. Борчуудын хүүхдүүд дэлхийн нэг номерийн сургуульд орсон ч БЗС-ийн зээл авч чаддаггүй юм байна" гэв.