Монгол хэл бичгийн шалгалтын үр дүн, багшийн болон байгууллагын үнэлгээний талаар БҮТ-өөс мэдээлэл хийлээ. Энэ үеэр БҮТ-ийн захирал Л.Ганбат "Монгол хэл, бичгийн хоёр дахь удаагийн шалгалтыг дөрөв болон 11 дүгээр сард зохион байгуулаар төлөвлөж байсан. Гэхдээ энэ жилийн хувьд ирэх наймдугаар сарын 19-нд дахин шалгалтыг хийхээр төлөвлөж байна. Энэхүү шалгалтад босго оноо буюу 400 оноо хүрээгүй шалгуулагч, шалгалтаас хоцорсон бүртгүүлэгчид, гадаадаас ирсэн иргэд хамрагдана. Бүртгэл наймдугаар сарын 1-нээс 11-нийг хүртэл болно" гэв.