"Хөгжлийн банк"-ны гэх эрүүгийн хэргийн шүүх хурал энэ сарын 17-нд буюу өнөөдөр 08.30 цагт болно. Тодруулбал, өнгөрөгч гуравдугаар сарын 2-нд тус хэргийн урьдчилсан хэлэлцүүлэг Улаанбаатар чуулгын байранд эхэлсэн. Гэвч хуралд оролцогчдын өмгөөлөгчдийн зүгээс хуралдааныг хойшлуулах хүсэлт гаргасан юм. Улмаар шүүх бүрэлдэхүүн хүсэлтийг хэлэлцэж шүүх хуралдааны товыг өнөөдрийг хүртэл хойшлуулсан байдаг.
Сануулахад, эл хэрэгт холбогдуулан нэр бүхий 80 хүн, 4 хуулийн этгээдэд эрүүгийн хэрэг үүсгэж яллагдагчаар татан яллах дүгнэлт үйлдэж шүүхэд ирүүлсэн билээ.
