Засгийн газар өнөөдөр ээлжит бусаар хуралдлаа. Хуралдаанаас "Эрдэнэс Тавантолгой" ХК-ийн үйл ажиллагаанд олон улсын аудит оруулах шийдвэрийг гаргасан талаар ХЗДХ-ийн сайд Х.Нямбаатар мэдэгдлээ.

Тэрбээр "Нүүрсний хулгайн хэрэгт холбогдуулан "Эрдэнэс Тавантолгой" ХК-ийн үйл ажиллагаанд олон улсын аудит оруулна. Олон улсын аудитыг сонгохдоо дэлхийн топ аудитын компаниудаас сонгон шалгаруулж, санхүүгийн үйл ажиллагаанд хөндлөнгийн ауит оруулах юм" гэлээ.

Ташрамд дурдахад, өнгөрөгч долоо хоногийн Засгийн газрын хуралдаанаар эл компанитай холбогдох нууцлалын зэрэглэлтэй есөн гэрээг ил болгоод буй юм.