SOCIAL POP: Их аварга Асашёорюу Ч.Хүрэлбаатар сайдаас уучлал гуйжээ

Их аварга Асашёорюу Д.Дагвадорж өнгөрсөн жил Эдийн засгийн хөгжлийн сайд Ч.Хүрэлбаатартай цахим орчимд муудалцахдаа "Ер нь пяз ХАЛХУУД дөрвөдийг алсан ч яадаг юм. Дандаа хагалан бутаргах бодолтой гөлөгнүүд. Баядуудыгаа байнга дээрэлхэнэ. Муу гөлөгнүүд" хэмээсэн байдаг.

Тэгвэл жилийн дараа буюу өнөөдөр тэрбээр энэ үгэндээ Эдийн засгийн хөгжлийн сайдаас уучлал хүссэн байна. Тэрбээр "Та бид 2 муудаад жил ойндоо хүрэх нь. Миний хэлсэн үг хүнд туссан бол үгээ би буцаая уучлаарай.Эр улсууд маргаал биз. Харин увсын иргэдийг муулсан зүйл бхгүй! Надад ч гэсэн олон найз бий. За тэгээд амжилт хүсье" гэжээ.

Харин хариуд нь Эдийн засгийн хөгжлийн сайд Ч.Хүрэлбаатар "АСА та үгээ буцааж, уйчлал гуйсныг хүлээж авч байна аа. Амжилт хүсье" хэмээсэн байна.