Гэрийнхээ гадна тоглож байгаад сураггүй болсон хүүг эрэн хайх ажиллагааг зохион байгуулж байна. Тодруулбал, Баян-Өлгий аймгийн Баяннуур сумын 5 дугаар багийн “Цагаан гарам” гэдэг газар бага насны хүүхэд тавдугаар сарын 30-ны өдрийн 11:00 орчим гэрийнхээ гадна тоглож байгаад сураггүй болсон бөгөөд “Ховд” голын усанд осолдсон байж болзошгүй тухай дуудлагыг тавдугаар сарын 30-ны өдрийн 17:15 цагт хүлээж авсан байна.
Дуудлагын дагуу тус аймгийн Онцгой байдлын газрын Гал түймэр унтраах, аврах 31 дүгээр анги, аймгийн Цагдаагийн газрын алба хаагчид, ар гэрийнхэн И /2 настай, эрэгтэй/-ийг эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 20:35 цагт түр зогсоосон. Зургаадугаар сарын 2-ний өдрийн 06:00 цагт эрэн хайх ажиллагааг эхлүүлээд байна.
