19 настай эрэгтэй согтууруулах ундаа хэрэглэсэн үедээ амиа хорлохыг завджээ. Тодруулбал, Нийслэлийн Баянгол дүүргийн гуравдугаар хороо, Нарны хорооллын ..... дугаар байр ..... давхар барилгын дээвэр дээрээс хүн үсрэх гээд байна гэсэн дуудлагыг 19:18 цагт хүлээн авсан. Нийслэлийн аврах ангийн алба хаагчид очиход Хан-Уул дүүргийн 11 дүгээр хорооны иргэн 19 настай М согтууруулах ундаа хэрэглэсэн үедээ тус байрны дээвэр дээр гарч амиа хорлох гэж байсныг ярилцлага хийж эсэн мэнд буулгаж, тус дүүргийн Цагдаагийн 1 дүгээр хэлтэст хүлээлгэн өгсөн.