Засгийн газрын ээлжит хуралдаан үргэлжилж байна. Өнөөдрийн хуралдаанаар "Шинэ зуунмод” хотын хөгжлийн ерөнхий төлөвлөгөөг баталсан талаар Барилга хот, байгуулалтын сайд Б.Мөнхбаатар мэдээллээ. Тэрбээр "Хөшгийн хөндийд баригдах хот байгуулалтыг үе үеийн Засгийн газар судалж, баталж ирсэн. Ерөнхий төлөвлөлттэй холбоотой хэсэгчилсэн төлөвлөлтүүдийг хийнэ. Үүнтэй холбоотой эхний үед барилгажих бүсийн инженерийн шугамын дэд бүтцийн зургийг хийгээд дуусч байгаа. Инженерийн дэд бүтцийн ажлын зургуудад шаардагдах дүн 500 тэрбум орчим төгрөгийн төсөв урьдчилсан байдлаар гарч ирж байгаа " гэв.
