Өнгөрсөн шөнө буюу энэ сарын 28-ны 23.00 цагийн алдад Сүхбаатар дүүргийн нутаг дэвсгэрт зам тээврийн ноцтой осол гарсан талаар бид мэдээлсэн. Тодруулбал, Шангрилагийн хойд талын замд Мерседес бенз маркийн автомашин замын хажууд такси барих гээд зогсож байсан гурван иргэнийг дайрч хүнд гэмтээсэн байдаг.

Осол хоёр машин мөргөлдсөний улмаас гарчээ. Тодруулбал, Мерседес бенк маркийн автомашин приүс маркийн автомашинтай мөргөлдөж, улмаар цаана такси барих гээд зогсож байсан гурван эмэгтэйг дайрсан байна.

Осолд өртсөн гурван эмэгтэйг яаралтай ГССҮТ-д хүргэсэн бөгөөд хоёр нь маш хүнд хагалгаанд оржээ. Биеийн байдал сайнгүй байгаа аж.

Осол гаргасан жолооч 25 настай залуу байсан ба тухайн үед эрүүл байжээ.