УИХ дахь АН-ын бүлгийн дарга Д.Ганбат болон бусад гишүүдийн санаачилсан Хүний эрхийн сонсголыг арванхоёрдугаар сарын 30-нд Хууль зүйн байнгын хорооны хуралдаанаар явуулахаар болжээ.

Энэхүү саналыг УИХ дахь АН-ын бүлэг дэмжихгүй байгаагаа илэрхийллээ. Баярын уур амьсгал орсон үеэр сонсгол зохион байгуулах нь хүртээмж багатай ба байнгын хорооны хуралдаанаар бус чуулганы нэгдсэн хуралдаанаар сонсгол хийх нь зөв гэж үзэж байгаа юм.