С.Энхболд: Зорилтот бүлгийн 50 хувийг нэмэлт тунд хамруулбал 2-3 насны хүүхдүүдийн цэцэрлэгийг нээнэ

Ангилал
Улс төр
Хэзээ
2021/11/24
Унших
1 минут 30 секунд
QR кодыг уншуулж мэдээг утсаараа унших боломжтой.

Засгийн газрын хуралдаанаас гарсан шийдвэрийг танилцуулж байна.

Эрүүл мэндийн сайд С.Энхболд "Олон улсад халдварын тохиолдол нэмэгдэж байгаа нь вакцинжуулалт бага байгаатай холбоотой. Үүнээс улбаалан нас баралт ихсэж, эмнэлгүүдийн нөхцөл байдал хүндэрч байна. БНХАУ-д гурав дахь тунгийн вакцинжуулалтыг эхлүүлээд байна.

Израиль Улсад гурав дахь тунгийн үр дүнгээр 60-аас дээш насны иргэдийн халдварын тохиолдол буурсан.

Их Британи Улс хүн амынхаа 20 хувийг нэмэлт тунд хамруулснаар халдварын тохиолдлын тоо 10 хувиар буурсан байна.

Манай улсын хувьд өнөөдрийн байдлаар нийт 589,000 хүнийг вакцины гурав дахь тунд хамруулсан байна. Энэ нь зорилтот бүлгийн 28 хувь юм. Бид цаашдаа зорилтот бүлгийн 50 хувийг нэмэлт тунд хамруулбал шар түвшинд шилжин хориглосон байгаа зарим арга хэмжээг цуцална. Өдөрт 10,000-аас дээш хүн вакцинд хамрагдаж байна. Их сургуулиудаар вакцинжуулалтын цэгүүд ажиллаж байна.

Бид зорилтот бүлгийн 50 хувийг нэмэлт тунд хамруулбал бүх шатны боловсролын байгууллагуудыг 100 хувь танхимаар хичээлллүүлэх боломж бүрдэнэ. Мөн 2-3 насны хүүхдүүдийн цэцэрлэгийн бүлгийг нээх боломж бүрдэнэ. Энэ талаараа БШУ-ны сайдтай тохиролцож ярилцсан" гэв.

Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!