Ерөнхий сайд Л.Оюун-Эрдэнэ өчигдөр Монгол Улсын үе үеийн Ерөнхий сайд нарыг хүлээн авч уулзсан. Уулзалтад Монгол Улсын Ерөнхийлөгч, Ерөнхий сайд асан Н.Энхбаяр, Ц.Элбэгдорж, Ерөнхий сайд асан Ш.Гунгаадорж, М.Энхсайхан, М.Энхболд, С.Баяр, С.Батболд, Н.Алтанхуяг, Ж.Эрдэнэбат нар хүрэлцэн ирж оролцсон юм.
Уулзалтаар Засгийн газрын тэргүүнээр ажиллаж байсан эрхмүүд тухайн цаг үеийн нөхцөл байдал, тулгарч байсан асуудал, гаргасан шийдвэр бодлогоо хэлж, туршлага, Оюутолгой, инфляц гэхчлэн цаг асуудлаар ярилцсан байдаг.
Уулзалтын талаар Ерөнхий сайд асан М.Энхсайхан дараах байр суурийг илэрхийлжээ.
Цар тахалтай, эдийн засгийн нөхцөл хүнд үед улс оронд эв нэгдэл, тогтвортой байдал чухал. Хувийн хэвшлээ дэмжиж, төрөөс гарах шийдвэрт иргэдийн санал, оролцоог нэмэгдүүлэх хэрэгтэй гэдэгт Ерөнхий сайд нар санал нэгдэв.https://t.co/TzwyvJ3r69
— Мэндсайхан ЭНХСАЙХАН (@Enkhsaikhan_PM) November 2, 2021
