Дуучин М.Нарантуяа-Нара Камертон хамтлагийн дуучин Д.Болдын талаар болон тус хамтлаг зөвшөөрөлгүй тоглолт хийсэн талаар шүүмжлэлтэй хандан "90-ээд оноос хойш үе үеийн баячуудыг бөлдөгдөж амьдардаг хамтлаг. Мянгаа ахынхаа буудлын өрөөнд бүтнээр минь тэврээд оруулж өгч байсан даа, Болд ах. Өнөөх Мянгаа нь харин мангас биш байсан шүү" гэж өөрийн цахим хаятаа бичсэн.
Нара өөрийг нь Ц.Мянганбаярын өрөөнд хүчээр тэвэрч оруулсан гэх Д.Болдын талаар "Өдрийн сонин"-д өгсөн ярилцлагаа "2007 онд Японд сургуулиа дөнгөж төгсөж байсан үе. Би тэр үед хар буруу санаагүй, 20 гаруйхан настай байсан. Гэтэл Болд намайг Мянганбаярын өрөө рүү чирэн, хүчээр тэвэрч оруулж байсан. Дөнгөж орж ирээд зогсож байтал гаднаас хүн орж ирсэн. Тухайн үед би хохироогүй. Гэхдээ сайхан дурсамж үлдээгүй" гэжээ.
