УИХ-ын 18, 28-р тойргийн нөхөн сонгуулийн нэмэлт санал хураалт явуулж өнөөдөр 07.00 цагт эхэллээ. Энэ удаагийн нэмэлт санал хураалтад Хэнтий аймгийн 18 сум, нийслэлийн Сонгинохайрхан дүүргийн 26 хороо (7, 8, 9, 10, 11, 12, 13, 14, 15, 16, 17, 18, 19, 21, 23, 25, 27, 28, 29, 30, 31, 38, 39, 40, 42, 43 дугаар хороо)-ны сонгогчид саналаа өгч байна. Өглөөний 09.00 цагийн мэдээгээр ирц 18-р тойрогт 37.28%, 28-р тойрогт 40.1 % байсан бол 12.00 цагийн мэдээгээр:

• 18-р тойрогт 39.01 %
• 28-р тойрогт 42.01 %-тай байна.
• Өглөөний 09.00 цагаас хойш цагийн хугацаанд хоёр тойрог тус бүрд сонгогчдын ирц 2 хувиар нэмэгдсэн буюу сонгогчдын идэвх сул хэвээр байна.

Нэмэлт санал хураалтад өнгөрсөн долоо хоногт саналаа өгсөн иргэд оролцохгүй. Өнөөдрийн нэмэлт санал хураалтын ирц, саналын тоог эхний санал хураалтын ирц, саналын тоон дээр нэмж тооцно хэмээн СЕХ-ноос мэдээлсэн билээ.